MANZON ALLAH YA SIFFANTA NANA A'ISHA DA CEWA ITA AHLUL BAITI CE A lokacin da batattun 'yan Shi'ah suke kafirta Nana A'isha suke la'antar ta, a kuma lokacin ne Shari'ar Musulunci take siffanta ta da cewa ita Ahlul Baiti ce! Allah Ka shiriyar da batattun cikinmu. Imamul Bukhariy ya ruwaito Hadithi na 2637, da Imamu Muslim hadithin na 2770, da Imam Ahmad Hadithi na 25,664, da Imamul Baihaqiy Hadithi na 20,386 daga Nana A'isha Allah Ya kara mata yarda ta ce: a lokacin da wadanda suka yi mata sharrin cewa ta yi zina:- ((: . : . : ! )). Ma'ana: ((Sai Manzon Allah mai tsira da amincin Allah ya kira Aliyyu da Usamah a lokacin da Wahayi ya yi jinkiin zuwa yana mai neman shawararsu game da rabuwa da iyalinsa; amma shi Usamah sai ya ce: iyalinka ce ita, kuma ba mu san wani abu ba in banda alheri. Bareerah kuwa sai ta ce: babu wani abu na nakasa da nake gani tare da ita in banda kasancewarta wata yarinya mai karancin shekaru wacce take barci ta bar kullun garin gurasa har awakin gida su rika zuwa suna cin sa. Sai Manzon Allah mai tsira da amincin Allah ya ce: Wane ne zai gamsar da mu har mu karbi uzurin mutumin nan da labarin cutarwarsa ga Ahlu baitina ya zo mini! Wallahi ni ban san wani abu ba game da iyalina in banda alheri. Tabbas sun ambaci wani mutum ni dai babu abin da na sani game shi in ba alheri)). Allah muke roko da Ya taimaka wa al'ummarmu Ya cusa musu kyamatar bidi'ar Shi'ah cikin zukatansu. Ameen.
WASSALAMU ALAIKUM WARAHMATULLAH. MANZON ALLAH YA SIFFANTA NANA AISHA DA CEWA ITA AHLUL BAITI CE
Created at 11/09/17
Category Sulaiman Ibn Hujjah

0 Rate upStar
Share: